देवरी : तालुका क्रीडा संकुल देवरी येथे महाराष्ट्र शासनाच्या क्रीडा व युवक सेवा संचालनालय, महाराष्ट्र राज्य पुणे, अंमलात जिल्हा क्रीडा परिषद व जिल्हा क्रीडा अधिकारी, गोंदिया यांच्या संयुक्त विद्यमाने राज्यस्तरीय शालेय व्हॉलीबॉल क्रीडा स्पर्धा (वय १७ वर्षांखालील मुलं) सन २०२५-२६ चे आयोजन करण्यात आले आहे.या स्पर्धेचा उद्घाटन समारंभ सोमवार, दिनांक ३ नोव्हेंबर २०२५ रोजी दुपारी १२.०० वाजता होणार असून या कार्यक्रमाचे उद्घाटक संजय पुराम, आमदार, आमगांव–देवरी विधानसभा क्षेत्र असतील. अध्यक्षस्थानी प्रजित नागर, जिल्हाधिकारी, गोंदिया राहणार आहेत. कार्यक्रमास विशेष अतिथी म्हणून अभय डोंगरे (अपर पोलिस अधीक्षक, गोंदिया), पल्लवी धात्रक(उपसंचालक, क्रीडा व युवक सेवा, नागपूर विभाग), कविता गायकवाड (उपविभागीय अधिकारी व अध्यक्ष, तालुका क्रीडा संकुल समिती, देवरी), उमेश काशिद (प्रकल्प अधिकारी, ए.आ.वि. प्रकल्प देवरी), महेंद्र गणावीर (तहसीलदार व सदस्य, तालुका क्रीडा संकुल देवरी), प्रविण डांगे (पोलीस निरीक्षक, देवरी), आणि कु. करिष्मा वैद्य (मुख्याधिकारी, नगरपंचायत देवरी)