छत्रपती शिवाजी इंग्लिश पब्लिक स्कूल देवरी चा विद्यार्थी नोहल धुर्वे यांची राज्यस्तरीय क्रीडा स्पर्धेसाठी निवड
क्रीडा व युवक सेवा संचालनालय महाराष्ट्र राज्य पुणे अंतर्गत, जिल्हा क्रीडा परिषद व क्रीडा अधिकारी कार्यालय यांच्या संयुक्त विद्यमानाने संचलित शालेय विभाग स्तरीय मैदानी क्रीडा स्पर्धेचे आयोजन क्रीडा संकुल चंद्रपूर येथे दिनांक 15 ते 17 डिसेंबर 2022 पर्यंत करण्यात आले आहे यात 17 वर्ष वयोगटाखालील विद्यार्थ्यांमध्ये नोहल कमलेश धुर्वे यांनी लांब उडी या स्पर्धेत 5.72 मीटर लांब उडी घेत द्वितीय स्थान पटकाविले. या विद्यार्थ्यांची राज्यस्तरीय क्रीडा स्पर्धेत करिता निवड झाली आहे
नोहल यांनी आपल्या यशाचे श्रेय आई-वडील,क्रीडा शिक्षक सूचित सरडे, शाळेचे प्राचार्य श्री अस्मित पिल्लई सर, व्यवस्थापक श्री भरतराज शरणागत सर, सर्व शिक्षक वृंद व शिक्षकेतर कर्मचारी यांना दिले.
यशस्वी विद्यार्थ्यांचे अभिनंदन संस्थेचे अध्यक्ष माननीय श्री झामसिंग जी येरणे सर, संस्थेचे सचिव श्री अनिलकुमार येरणे सर, संस्थेचे उपाध्यक्ष श्री डॉ. सुनीलकुमार येरणे सर, संस्थेच्या कोषाध्यक्षा श्रीमती जयश्री येरणे मॅडम,तसेच शाळेचे प्राचार्य श्री अस्मित पिल्लई सर, शाळेचे व्यवस्थापक श्री भरतराज शरणागत सर, क्रीडा शिक्षक सुजित सरडे सर, सर्व शिक्षकवृंद व शिक्षकेतर कर्मचारी यांनी केले आहे.या यशस्वी विद्यार्थ्याचे सर्वत्र कौतुक होत आहे.
