गडचिरोली : पोलीस हवालदाराची अज्ञाताने केले गळा कापून हत्या

प्रतिनिधी / गडचिरोली : धोडराज पोलीस मदत केंद्रात कार्यरत असलेल्या पोलीस हवालदाराची अज्ञाताने गळा कापून हत्या केल्याची घटना काल रात्रोच्या सुमारास उघडकीस आली. जगन्नाथ सिडाम (५३) असे हत्या करण्यात आलेल्या पोलीस हवालदाराचे नाव आहे. सदर मृतक पोलीस हवालदार हे धोडराज पोलीस मदत केंद्रात वाहनचालक म्हणून कार्यरत होते. सदर घटनेमुळे परिसरात खळबळ उडाली आहे.
मृतक पोलीस हवालदार हे नागेपल्ली येथील वार्ड क्र.२ मध्ये आपल्या घरी असतांना अज्ञाताने त्यांची रात्रोच्या सुमारास धारदार शस्त्राने हत्या केली. मोठया प्रमाणात रक्तस्त्राव झाल्याने त्यांना चंद्रपूर येथे उपचाराकरीता नेले असता डाॅक्टरांनी मृत घोषीत केले .
घटनास्थळी अहेरीचे उपविभागीय पोलीस अधिकारी विशाल ठाकुर, पोलीस निरीक्षक प्रविण डांगे व श्वान पथकासह दाखल झाले असुन पुढील तपास सुरू आहे.