भंडाऱ्यात रास्ता रोखो आंदोलन करणाऱ्या खासदार व माजी आमदाराला अटक….
भंडारा 24- शेतकऱ्यांच्या विविध मागण्यांना घेऊन रास्ता रोखो आंदोलन करणाऱ्या खासदार सुनील मेंढे व माजी आमदार चरण वाघमारे यांच्यासह 100 कार्यकर्त्यांना तुमसर पोलिसांनी अटक केली आहे. लॉकडाऊन सुरु असल्याने धान उत्पादक शेतकऱ्यांचे विषय घेऊन रस्ता रोखो आंदोलन केल्या मुळे खासदारासह माजी आमदाराला अटक करण्यात आली आहे. ह्या आंदोलनाने मात्र काही तास चक्का जाम झाला होता.
भंडारा जिल्ह्यात उन्हाळी धान कापून तयार असून सरकार कडून धान खरेदी करण्या बाबत घोषणा झाल्या परंतु अद्याप जिल्ह्यातील शेतकऱ्यांचे धान खरेदी करण्यात आला नाही.
त्यामुळे तुमसर- मोहाडी तालुक्यातील सर्व धान खरेदी केंद्र सुरु करण्यात यावे,खरीप हँगामाचे बोनस त्वरित शेतकऱ्यांच्या खात्याचे द्यावे,1 मे ते 30 जून पर्यंत ऑनलाइन करण्यात आलेल्या शेतकऱ्याचे धान खरेदी करने बंधनकारक नाही ही अट शिथिल करण्यात यावी, गोदाम कमी पडल्यास तुमसर बाजार समितित धान खरेदी करावी आदी मागण्या यावेळी करण्यात आल्या होत्या.
मात्र प्रशासनाद्वारे तोड़गा न निघाल्याने अखेर आंदोलन कारी रस्त्यावर आल्याने पोलिसांकडून भाजप खासदार सुनील मेंढे व माजी भाजपा आमदार चरण वाघमारे यांना अटक करण्यात आली आहे. यावेळी एकच तनाव निर्माण झाला असून ह्या आंदोलनाने मात्र काही तास चक्का जाम झाला होता.
