देवरी: नगरपंचायत अंतर्गत वैशिष्ट्यपूर्ण योजनेतून साकारण्यात येणाऱ्या नवीन शासकीय इमारतीच्या बांधकामाचा दिमाखदार भूमीपूजन सोहळा सोमवार, ९ फेब्रुवारी २०२६ रोजी आयोजित करण्यात आला आहे. स्वातंत्र्याच्या अमृत महोत्सवी वर्षाचे औचित्य साधून शहरातील नागरिकांच्या जीवनमानाचा दर्जा उंचावण्यासाठी आणि प्रशासकीय सोयीसुविधांचे सक्षमीकरण करण्यासाठी हा महत्त्वाचा प्रकल्प हाती घेण्यात आला आहे.
या ऐतिहासिक सोहळ्याचे उद्घाटन देवरी-आमगाव विधानसभा क्षेत्राचे आमदार संजयजी पुराम यांच्या हस्ते होणार आहे. कार्यक्रमाच्या अध्यक्षस्थानी नगराध्यक्ष तथा तालुकाध्यक्ष संजु उईके राहणार आहेत. तसेच प्रमुख अतिथी म्हणून गडचिरोली-चिमूर लोकसभा क्षेत्राचे खासदार डॉ. नामदेवराव किरसान यांची विशेष उपस्थिती लाभणार आहे. केवळ इमारत भूमीपूजनच नव्हे, तर या कार्यक्रमात सर्वसामान्यांच्या हिताचे इतरही महत्त्वाचे टप्पे गाठले जाणार आहेत:
घरकुल योजना: पात्र घरकुल धारकांना कार्यरंभ आदेशाचे वाटप करण्यात येईल.
पट्टे वाटप: अनेक वर्षांपासून प्रलंबित असलेला पट्टे वाटपाचा प्रश्न मार्गी लावत, धारकांना अधिकृत पट्टे वितरित केले जाती
हा कार्यक्रम सकाळी ११:०० वाजता नगर पंचायत कार्यालय, देवरी (जि. गोंदिया) येथे संपन्न होईल. कार्यक्रमाच्या समारोपानंतर उपस्थित नागरिकांसाठी प्रीतीभोजनाची व्यवस्था करण्यात आली आहे.
यावेळी नगर पंचायतीच्या मुख्याधिकारी कु. करिश्मा वैद्य यांच्यासह सर्व नगरसेवक, कर्मचारी वृंद आणि प्रतिष्ठित नागरिकांनी या विकासकामाच्या साक्षीदार होण्यासाठी मोठ्या संख्येने उपस्थित राहावे, असे आवाहन नगर पंचायत प्रशासनातर्फे करण्यात आले आहे. या सोहळ्याला गोंदियाचे जिल्हाधिकारी प्रजीत नायर, उपविभागीय अधिकारी कविता गायकवाड यांच्यासह विविध विभागांचे पदाधिकारी विशेष अतिथी म्हणून उपस्थित राहणार आहेत.
