५२ व्या तालुकास्तरीय विज्ञान प्रदर्शनीमधे ब्लॉसमची आस्था अग्रवाल आणि नव्या अंबुले अव्वल

देवरी ०३: राज्य विज्ञान शिक्षण संस्था रविनगर नागपूर पं.स. देवरी अंतर्गत शैक्षणीक सत्र २०२४-२०२५ या शैक्षणीक वर्षाचे ५२ वे तालुकास्तरीय विज्ञान प्रदर्शनीचे आयोजन दि.०२ जानेवारी २०२५ रोजी बाबूराव मडावी विद्यालय देवरी येथे आयोजित करण्यात आले होते. माध्यमिक गटात ब्लॉसम पब्लिक स्कूलची आस्था मुकेश अग्रवाल हिने प्रथम क्रमांक मिळविला असून प्राथमिक गटात नव्या संजय अंबुले हिने तृतीय क्रमांत मिळवित घवघवित यश संपादन केले असून जिल्हास्तरीय विज्ञान प्रदर्शिनी साठी यांची निवड झाली आहे.

सदर कार्यक्रमाच्या उद्दघाटना प्रसंगी उद्घाटक म्हणून अंबीका बंजार , सभापती पं.स. देवरी, अध्यक्ष सविताताई पुराम बालकल्याण सभापती जि.प. गोंदिया यांच्या सह प्रमुख उपस्थिती उषाताई शहारे जि.प.सदस्या ककोडी, अनिल बिसेन उपसभापती पं. स. देवरी, वैशाली पंधरे पं.स. सदस्य आलेवाडा, शालीकरामजी गुरनुले पं.स.सदस्य घोनाडी, ममता अंबादे पं.स. सदस्य पूराडा, शामकला गावळ पं.स. सदस्य चिचेवाडा, भारती सलामे पं.स.सदस्य निलज, अनुपमा सलामे पं.स.सदस्य मिसपीरी, रंजीत कासम पं.स.सदस्य कडीकसा यांच्यात प्रमुख उपस्थितीत कार्यक्रम पार पडणार पडला.

सदर विज्ञान प्रदर्शनाचा बक्षीस वितरण सोहळा दिनांक ०२ जानेवारी २०२५ ला २.०० वाजता प्रा. डॉ. सुधीर भांडारकर आणि प्रा. डॉ. आशिष गवळे यांच्या अध्यक्षतेखाली ,गट शिक्षणाधिकारी महेंद्र मोटघरे, धनवंत कावळे गटसमन्वयक गटसाधन केंद्र देवरी यांच्या प्रमुख उपस्थितीत संपन्न झाला. सदर विज्ञान प्रदर्शनीचे आयोजन महेंद मोटघरे गटशिक्षणाधिकारी पंचायत समिती, देवरी यांच्या मार्गदर्शनात मुख्याध्यापक बाबूराव मडावी विद्यालय देवरी यांनी केला. सदर कार्यक्रमाचा मुर्तरुप देण्यासाठी तालुका विज्ञान विभागाचे प्रमुख व्ही. डब्ल्यू. लोथे, तज्ञ आणि कर्मचारी यांनी मोलाची भूमिका बजावली. ब्लॉसम पब्लिक स्कूलचे प्राचार्य डॉ. सुजित टेटे यांनी आयोजक आणि प्रदर्शिनीत यशस्वी विद्यार्थ्यांचे अभिनंदन केले.