आदर्श आचार संहिता निर्देशाचे तंतोतंत पालन करण्यासाठी देवरी पोलीसांचे पथसंचलन

प्रहार टाईम्स

देवरी ⬛️पोलीस स्टेशन देवरी येथे आगामी लोकसभा निवडणूक 2024 च्या अनुषंगाने जाहीर झालेल्या आदर्श आचार संहिता निर्देशाचे तंतोतंत पालन झाले पाहिजे तसेच होळी/ धुलीवंदन , रामनवमी ,रमजान ईद ,बाबासाहेब आंबेडकर जयंती, उत्सव शांततेत पार पाडले पाहिजे तसेच कायदा व सुव्यवस्था अबाधित राहावी या अनुषंगाने देवरी शहरातील मुख्य मार्गाने व मुख्य चौकातून पोलीस स्टेशन येथील अधिकारी व अमलदार व सैनिक यांचे सह पथसंचलन करण्यात आले. सदर पथसंचलना 03 अधिकारी 30 अंमलदार व 17 सैनिक हजर होते.

दरम्यान पोलीस स्टेशन देवरी येथे विवेक पाटील उपविभागीय पोलीस अधिकारी देवरी यांचे उपस्थित देवरी परिसरातील शांतता समिती व महिला दक्षता समिती , मोहल्ला समिती व नगरपंचायत देवरी येथील सदस्य यांची बैठक घेण्यात आली. सदर बैठकीदरम्यान लोकसभा निवडणूक 2024 च्या अनुषंगाने होळी /धुलीवंदन, शिवजयंती ,रामनवमी ,रमजान ईद ,बाबासाहेब आंबेडकर जयंती ,उत्सव शांतते पार पाडले पाहिजे व कायदा व सुव्यवस्था अबाधित राहावे याबाबत चर्चा करण्यात आल्या.

यावेळी सदर उपपोलीस विभागीय पोलिस अधिकारी विवेक पाटील, पोलीस निरीक्षक प्रवीण डांगे, सपोनि गंगकाचूर, सपोनि गीता मुळे आदि उपस्थित होते.