तालुकास्तरीय बुद्धिबळ स्पर्धेत ब्लॉसम स्कूलचे विद्यार्थी अव्वल
◼️क्रीडा संकुल देवरी येथे पार पडली स्पर्धा
देवरी ◼️तालुक्यातील अग्रगण्य ब्लॉसम पब्लिक स्कूल देवरीच्या विद्यार्थ्यांनी नुकतेच झालेल्या आंतरशालेय तालुकास्तरीय बुद्धिबळ स्पर्धेत उत्कृष्ट प्रदर्शन करीत अव्वल येण्याचा मान मिळवला आहे.
जिल्हा क्रीडा परिषद आणि जिल्हा क्रीडा अधिकारी कार्यालय गोंदिया यांच्या संयुक्त विद्यमाने शालेय बुद्धिबळ स्पर्धांचे आयोजन करण्यात आले. यामध्ये ब्लॉसम स्कूलचे श्रुती राठोड, जिया राऊत, प्रीती मेश्राम, किरण रत्नाकर, आयुष घोडेश्वार, नितीन भोयर, युगांत सोनकलंगी आणि वृषभ भोयर यांनी अव्वल स्थान मिळवला असून त्यांचे सर्वत्र कौतुक करण्यात येत आहे.
सदर विद्यार्थी क्रीडा शिक्षक राहुल मोहरले आणि अजित टेटे यांच्या नेतृत्वात स्पर्धेत सहभागी झालेले होते. यावेळी सर्व सहभागी आणि विजयी विद्यार्थ्यांचे प्राचार्य डॉ. सुजित टेटे तालुका क्रीडा समन्वयक सुनील काळे यांनी अभिनंदन केले.
