गोंदिया शहर हादरले..! व्यावसायिकाची गोळ्या झाडून हत्या….
प्रतिनिधी/गोंदिया: शहरात आज सकाळी खळबळजनक घटना घडली. एका व्यावसायिकाची गोळ्या झाडून हत्या करण्यात आली. या हत्येने शहरातील व्यापारी वर्गात भीतीचे वातावरण आहे. नेमकी कोणत्या कारणातून हत्या करण्यात आली याचा तपास पोलिस घेत आहेत. शहरातील गुन्हेगारीने पुन्हा डोके वर काढले आहे.
अशोक कौशिक असे या हत्या झालेल्या व्यापाऱ्याने नाव आहे. शहरातील सर्कस ग्राउंड परिसरात ते राहतात. कौशिक यांचा ट्रान्सपोर्टचा व्यवसाय आहे. आज सकाळी 8 वाजताच्या दरम्यान ते मॉर्निंग वॉकला गेले होते. त्यावेळी एकजण पाठीमागून आला. त्याने कौशिक यांच्या मानेवर बंदूक ताणली. काही कळायच्या आतच कौशिक यांच्या मानेवर गोळ्या झाडल्या. गोळीबारानंतर आरोपीने घटनास्थळीच बंदूक फेकून देत पळ काढला. या घटने शहरात भीतीचे वातावरण पसरले आहे.
अशोक कौशिक यांचा सर्कस ग्राउंड परिसरात एनसीसी नावाने ट्रान्सपोर्ट आहे. ते नेहमीप्रमाणे आज सकाळी 8 वाजताच्या दरम्यान घराबाहेर निघत सर्कस ग्राउंडकडे जात होते. त्यावेळी एका अज्ञात इसमाने पाठीमागून येत त्यांच्या मानेवर बंदुकीतून गोळी झाडत पळ काढला.
यावेळी त्याने स्वतःजवळील बंदूकदेखील घटनास्थळी फेकून दिली. दरम्यान रस्त्यावर जाणाऱ्या लोकांनी कौशिक यांचा मृतदेह पाहताच गोंदिया शहर पोलिसांना याची माहिती दिली. यावेळी पोलिसांनी मृतदेह ताब्यात घेत शवविच्छेदनासाठी जिल्हा सामान्य रुग्णालयात पाठविले. गोंदिया शहर पोलिस घटनेचा तपास करीत आहेत. अज्ञात आरोपीविरोधात खुनाचा गुन्हा नोंद करण्यात आला आहे. अज्ञात आरोपीचा शोध सुरू आहे.
