महिला ग्रामसेवक आणि महिला सरपंच यांच्यात मारहाण! भंडाऱ्यातील घटना
भंडारा जिल्ह्यातील सिलेगावमध्ये ग्राम पंचायतीच्या महिला सरपंच आणि महिला ग्रामसेवक यांच्यात मारहाण झाल्याचं समोर आलं आहे. या मारहाणीचा व्हिडीओ सोशल मीडियावर सध्या व्हायरल होत आहे.
शिवस्वराज्य दिन असल्याने तुमसर तालुक्यातील सिलेगाव ग्राम पंचायत येथे कार्यक्रम घेण्यात आला. त्यांनतर थोड्याच वेळात घरकुल ठरावाच्या प्रोसेंडिंग यावरून वाद झाला. महिला सरपंच संध्या पारधी यांनी ग्रामसेवक मंजुषा शहारे यांच्या जवळील प्रोसिडिंग घेऊन जात असताना ग्रामसेवक आणि इतर सदस्यांनी सरपंच यांना अडवण्याचा प्रयत्नही केला. तेवढ्यातच धक्काबुकी झाली आणि त्याचे रूपांतर हाणामारीत झाले. महिला सरपंच आणि सदस्यांनी ग्रामसेवकांना मारहाण केली. ही मारहाण काही ग्रामस्थांनी आपल्या मोबाईलमध्ये कैद करत व्हायरल केली आहे. या प्रकरणी सिहोरा पोलिसात एका दुसऱ्यांच्या विरुद्ध तक्रार दाखल करण्यात आली असून पोलीस याचा तपास करीत आहेत.
