अभिनेत्री टीना दत्तला इन्स्टाग्राम अकाउंटची सेटिंग बदलावी लागली
उतरन फेम टीना दत्तने नुकतंच तिच्या इन्स्टाग्राम अकाउंटवर तिचे टॉपलेस फोटोज शेअर केले आहेत. तिच्या या फोटोंना चाहत्या मोठ्या प्रमाणात पसंती दिली आहे. पण काही युजर्सच्या विचित्र कमेंट्समुळे अभिनेत्री टीना दत्तला इन्स्टाग्राम अकाउंटची सेटिंग बदलावी लागली. टीनाने तिच्या इन्स्टाग्राम अकाउंटवर कमेंट्स सेक्शनच बंद करून टाकलंय.
दोन दिवसांपूर्वी टीनाने तिचे टॉपलेस फोटोज शेअर करताना कॅप्शनमध्ये लिहिलं, “जर मी आणखी थोडं तापमान वाढवलं तर यात तुम्हाला काही हरकत नसेल ना ? मला असं वाटतं, येणाऱ्या नव्या महिन्यात थोडेफार बदल झाले पाहीजेत.” टीनाच्या या टॉपलेस फोटोंवर अनुज यदुवंशी नावाच्या एका युजरने खूपच अश्लील आणि विचित्र कमेंट केली. या कमेंटला स्वतः टीनाने तिच्या इन्स्टग्राम स्टोरीवर शेअर केलं आहे. युजरने दिलेल्या या अश्लील कमेंटचा स्क्रिनशॉट शेअर करताना टीनाने त्या युजरला आणि सायबर इनवेस्टिगेटरला देखील टॅग केलंय. यासोबत टीनाने लिहिलं, “याची वागणूक अशी नाही थांबणार…तु सगळ्याच महिलांसोबत अशाच पद्धतीने बोलतोस का ?”
टीनाने या युजरला चांगलीच अद्दल घडवल्यानंतर थोड्या वेळानंतर युजरने टीनाची माफी देखील मागितली. त्याने चॅट बॉक्समध्ये मागितलेल्या माफीचा एक स्क्रिनशॉट टीनाने शेअर केलाय. ताई, मला यासाठी माफ करा, असं या युजरने लिहिलं आहे.
पण त्यानंतर टीनाने तिच्या इन्स्टाग्राम अकाउंटवरचा कमेंट्स सेक्शन बंदच करून टाकला आहे. अभिनेत्री टीना दत्ता ही कलर्स टीव्हीवरील ‘उतरन’ मालिकेदरम्यान बरीच चर्चेत आली होती.
