बॅकलेस कोटवर ओव्हर साइझ्ड पँट घालणं मलायकाला महागात पडलं

वयाची चाळीशी पार करून देखील ग्लॅमरस, सुंदर आणि मोहक दिसणारी अभिनेत्री म्हणजे मलायका अरोरा. फिटनेसच्या बाबतीत कोणतीही तडजोड न करणारी मलायका फॅशनच्या बाबतीतही तितकीच चोख आहे. बॉलिवूडच्या या ग्लॅमरस क्वीनला तिचा प्रत्येक ड्रेस परफेक्ट लागतो. पुरस्कार सोहळा असो वा एखादा कार्यक्रम मलायकाच्या ड्रेस, लुकची चर्चा रंगतेच. बॉलिवूडची ग्लॅमरस मॉम म्हणून देखील मलायकाला संबोधल जातं. मलायकाच्या वॉर्डरोबमध्ये अनेक महागड्या ड्रेसचं कलेक्शन आहे.

साडीपासून ते एखाद्या मिनी ड्रेसपर्यंतचे मलायकाचे वेगवेगळे लुक आपण पाहिले आहेत. प्रत्येक आउटफिटमध्ये ती अगदी वेगळी आणि आकर्षक दिसते. मात्र काही दिवसांपूर्वीच मलायकाने एक वेस्टर्न ड्रेस परिधान केला. आणि या ड्रेसमुळे ती चर्चेचा विषय ठरली. बॅकलेस कोटवर ओव्हर साइझ्ड पँट घालणं मलायकाला महागात पडलं. तिचा चंदेरी रंगाचा हा ड्रेस तिच्यावर फारसा उठून दिसत नव्हता. तिचा हा ड्रेस नेमका कसा होता यावर एक नजर टाकुया.

मलायकाने सुप्रसिद्ध फॅशन डिझायनर GABY CHARBACHY ने डिझाइन केलेल्या टू पीस सेपरेट्स ड्रेसची निवड केली. मलायकाचा हा ड्रेस तयार करण्यासाठी चमकदार आणि शिमरी फॅब्रिकचा वापर करण्यात आला होता. करड्या रंगाचा टच तसेच चमकदार फॅब्रिकमुळे या ड्रेसला लुक आला होता. मात्र ड्रेसचा वरील भाग अगदी बॉडी फिटिंग आणि त्यावर ओवर साइझ्ड पँट होती. बॉडी फिटिंग कोट आणि ओवर साइझ्ड पँट हे कॉम्बिनेशन मलायकावर काहीसं विचित्र दिसत होतं. उन्हाळ्याच्या दिवसांमध्ये सैल कपडे परिधान करण्याचा ट्रेंड असतो. मात्र मलायका या विचित्र कॉम्बिनेशनमुळे चर्चेचा विषय ठरली. तिने परिधान केलेली पँट खूपच सैल आणि तिला न शोभणारी होती. हा फ्री-फ्लोइंग स्टाइलचा ड्रेस मलाकावर अजिबात खुलून दिसत नव्हता.

मलायकाने परिधान केलेल्या या ड्रेसला बोल्ड टच देण्यात आला होता. मलायकाच्या चंदेरी रंगाच्या बॅकलेस कोटला फुल स्लिव्हज् आणि नेकलाइन कॉलर होती. तसेच बॅक साइडला क्रॉप स्टाइल टच देण्याचा प्रयत्न डिझायनरने केला होता. तसेच मलायकाने या ड्रेसवर हेअरस्टाइल देखील अगदी साधी केली होती. तिने एका बाजूने केस मोकळे सोडले होते. सुंदर आणि ग्लॅमरस दिसण्यासाठी मलायकाचा चाललेला हट्टाहास मात्र फ्लॉप ठरला. आपला लुक अधिक खुलून दिसावा म्हणून डायमंडचा नेकपीस देखील तिने घातला होता.

मलायकाकडे बऱ्याच महागड्या ड्रेसचं कलेक्शन आहे. तिचे स्टायलिश लुक तसेच ग्लॅमरस फोटो पाहून ते लक्षात येतंच. एका ड्रेसमागे मलायका लाखो रूपये खर्च करते. तिचा हा ड्रेस देखील तितकाच महागडा होता. मलायकाच्या या ड्रेसची किंमत २ लाख ९८ हजार ७६० रूपये एवढी आहे. फॅशनच्याबाबतीत विविध प्रयोग करणारी ही अभिनेत्री लाखो रूपयांचे ड्रेस परिधान करते. रेड कार्पेटवर तर मलायका अवतरली की उपस्थितांच्या भुवया उंचावतात.