लायंस क्लब च्या वतीने देवरी येथे नंदी तान्हा पोळ्याचे आयोजन

■ आकर्षक नंदी लाकडी बैलांना पुरस्काराचे वाटप.

देवरी 29: लहान लहान बच्चे कंपनीचे उत्साह वाढविण्याच्या उद्देशाने देवरी येथील लायंस क्लबच्या वतीने क्लबचे अध्यक्ष पारस कटकवार यांच्या घरासमोर नंदी तान्हा पोळ्याचे आयोजन करण्यात आले होते.
या नंदी तान्हा पोळा कार्यक्रमाच्या अध्यक्षस्थानी लायंस क्लब चे अध्यक्ष पारस कटकवार हे होते. या कार्यक्रमात प्रामुख्याने माजी आमदार संजय पुराम ,क्लबचे क्याबीनेट आफीसर तथ नगरसेवक पिंकी कटकवार, माजी नगरसेवक यादोराव पंचमवार, क्लबचे सदस्य पुष्पा नळपते, अनील मेश्राम, वार्डातील प्रतिष्ठीत महिला कवीताताई मडावी, सुनीताताई गजभिये, वर्षा कावळे, बेगमताई शेख, प्रेरणा मोदी, इंदू शेंडे, पुरूष अरविंद तरोणे, निंबेकर सर, नामदेव लाडे यांच्या सह नंदी तान्हा पोळ्याचे स्पर्धकांचे पालक बहुसंख्येने उपस्थित होते.
लायंस क्लब च्या वतीने या नंदी तान्हा बैल स्पर्धेत प्रथम क्रमांकाचे पुरस्कार विधी भुरे हिला ५०१/- रूपये रोख व डिजीटल मनीबाँक्स, तर द्वितीय क्रमांक गुंजन निंबेकर हिला २०१/- रूपयाचे रोख व डिजीटल स्लेट आणी त्रुतीय क्रमांकाचे पुरस्कार धिरज जांगळा याला १५१/- रूपये रोख व डिजीटल बाराखडी बोर्ड तसेच यांच्यासह सहभाग घेणा-या अनेक नदी बैलांना प्रोत्साहनपर पुरस्कार वाटप करण्यात आले. या स्पर्धेत एकूण ९० लहान मुलानी आपल्या लाकडी नंदी बैलासह सहभाग घेतला होता.