तापमानात झपाट्याने घट, थंडीचा कडाका आता वाढला !
गोंदिया: हवामान खात्याने गेल्या आठवड्यात राज्यातील काही जिल्ह्यांमध्ये पावसाचा इशारा दिला होता. या आठवड्याच्या सुरुवातीलाच पावसाळी वातावरण निवळले असून किमान तापमानासह कमाल तापमानातही झपाट्याने घट होत आहे. त्यामुळे आता थंडीचा कडाका वाढणार हे निश्चित! हवामान खात्यानेही तसा अंदाज व्यक्त केला आहे.
राज्यातील पावसाचे सावट आता दूर झाले आहे. काही भागातून तापमानात वेगाने घसरण सुरू झाली आहे. उत्तर महाराष्ट्रात थंडीचा कडाका वाढला आहे. तर मध्य महाराष्ट्र आणि मराठवाड्यातही किमान तापमानात घट होण्याचा अंदाज आहे. विदर्भात गेल्या आठवड्यापासूनच किमान तापमानात वेगाने घसरणीला सुरुवात झाली आहे.
