आयपीएल सामन्यावर जुगार खेळणारे अटकेत
गोंदिया ◼️देशात सुरु असलेल्या आयपीएल क्रिकेट स्पर्धेतील सामन्यावर जुगार खेळणार्या दोघांवर बालाघाट पोलिसांनी 10 मे रोजी शहरातील एका हॉटेलमध्ये कारवाई केली. आयपीएल स्पर्धेतील प्रत्येक सामना व त्यातील क्षणावर ऑनलाईन जुगारासंदर्भात यापूर्वी जिल्हा पोलिसांनी कारवाई केल्या आहेत. मात्र, आयपीएलच्या यंदाच्या सत्रात जिल्ह्यात शहरात बालाघाट पोलिसांनी दोन जुगार खेळणार्यांवर कारवाई केली.
बालाघाट येथे आयपीएलवर जुगार खेळणार्यांना आरोपींना ताब्यात घेतल्यानंतर त्यांच्याकडून मिळालेल्या माहितीच्या आधारे बालाघाट पोलिसांनी ही कारवाई केली. गोंदियातील एका हॉटेलमध्ये आयपीएल सामन्यावर जुगार खेळणार्या दोघांना बालाघाट पोलिसांनी रंगेहाथ पकडले. त्यांच्याकडून विविध प्रकारचे दहा मोबाईल, लॅपटॉप व अन्य साहित्य जप्त केले. दरम्यान आरोपींना जामीनावर सोडण्यात आले.
