ब्रेकिंग : लोहारा येथील बागनदीच्या पुलाखाली आढळले अनोळखी महिलेचे मृतदेह

प्रहार टाईम्स
देवरी / लोहारा 18: देवरी तालुक्यातील लोहारा आणि पुराडा गावाच्या मधातून बागनदी वाहते. आज दुपारच्या 12 च्या सुमारास एका अनोळखी महिलेचे मृतदेह लोकांना तरंगत असल्याचे दिसले आणि परिसरात एकच खळबळ उडाली.

सदर घटनेची माहिती प्रत्यक्षदर्शींनी आणि सामाजिक कार्यकर्तांनी देवरी आणि सालेकसा पोलिसांना दिली आणि पोलीस घटनास्थळी दाखल होताच स्थानिक मासेमारांच्या मदतीने नदीतील पाण्यात वाहत असलेले मृतदेह बाहेर काढण्यात आले. अंदाजे 25 ते 30 वर्षाची मृत महिला असावी असा प्राथमिक अंदाज असून मृत्यूचे कारण अस्पष्ट आहे.

सदर महिला कुठली आहे हे वृत्त लिहीत पर्यंत कळले नसून घटनेचा तपास सालेकसा आणि देवरी पोलीस करीत असल्याचे प्रत्यक्षदर्शिनी सांगतले.