महावितरण च्या चिचगड उपकेंद्राअंतर्गत भारनियमन बंद करून अखंडीत विद्युत पुरवठा करा
चिचगड जिल्हा परिषद क्षेत्राअंतर्गत नागरिकांचे महावीतरण च्या कार्यकारी अभियंतांना निवेदन
देवरी – स्थानिक अनेक वर्षांपासून संपूर्ण देवरी तालुका महावितरण च्या सतत च्या जाचक त्रासाला समोर जातं असून महावितरण कडून होणारे आर्थिक,सामाजिक, भौतिक आणि शारीरिक शोषण सहन करत आहे परंतु या परिस्थितीमद्ये शेतकऱ्यांचे मोठे बिकट हाल निर्माण झालेत असून देवरी तालुक्यातील ग्रामीण भागातील विद्युत विभागाच्या अडचणी सोडविण्यासाठी स्थानिक देवरी येथील महावितरण च्या विभागीय कार्यालयाला घेराव करून कार्यकारी अभियंता फुलझले यांना उपसभापती शालिकराम गुरुनुले,मगरडोह ग्राम पंचायत उपसरपंच देवविलास भोगारे,यशवंत गुरुनुले, गणेश तोफे,महेंद्र निकोडे, राजेश चांदेवार, विलास निकुरे, बाळकृष्ण गायधने,हंसराज हुकरे यांच्या नेतृत्वात उपस्थित नागरिकांसोबत निवेदन देण्यात आले. या निवेदनात प्रामुख्याने महावितरणच्या चिचगड येथे असलेले उपकेंद्राअंतर्गत सर्व गावांमद्ये 440 Kv णे विद्युत पुरवठा करण्यात यावा,चिचगड उपकेंद्र येथे 10 MVA चे पॉवर ट्रान्सफार्मर उपलब्ध करून देण्यात यावे,या उपकेंद्राअंतर्गत सर्व गावांचे भारणीयमन बंद करून नेहमी करिता अखंडित वीज पुरवठा करण्यात यावा,सन २०२५ पूर्वी कृषी पंपा करिता डिमांड भरलेल्या शेतकऱ्यांना कृषी विद्युत मीटर देण्यात यावे, चिचगड उपकेंद्राचे विद्यमान कार्यरत कनिष्ठ अभियंता यांच्या ऐवजी दुसऱ्या अभियंता चि पदस्थापना करण्यात यावी आणि सर्व कर्मचाऱ्यांना मुख्यालयी राहून नरिकांना नियमित विद्युत सुविधा देण्यासाठी सक्तीचे करावे इत्यादि मागण्यांचा समावेश आहे. या संदर्भात देवरी उपविभागाचे कार्यकारी अभियंता यांच्याशी जवळ जवळ दोन तास साधक बाधक चर्चा करून तालुक्यातील ग्रामीण आणि शहरी भागात निर्माण झालेल्या विद्युत अडचणीतुन मार्ग काढून त्यावर उपाययोजना कस करता येईल यावर नियोजन करून नागरिकांच्या मागण्या मान्य करून येत्या दोन सर्व अडचणी मार्गी लाऊन देण्यात येईल असे लेखी आश्वासन कार्यकारी अभियंता यांनी दिले.या निवेदनाच्या शिष्टमंडळात चिचगड जिल्हा परिषद क्षेत्रातील कलिंद्र गुरूनुले,आसाराम पालीवाल, देवेंद्र गावळ, एकनाथ सोनुले,चिंधु निकोडे, हंसराज ठाकरे यांच्यासह ग्राम पालांदूर, मगरडोह,टेकरी,रामगड, सुकळी, ढोडरा, रोपा, सिंगनडोह,घोनाडी, बोन्डे,पळसगांव येथील असंख्य नागरिक उपस्थित होते.
