देवरी ❗️भरधाव ट्रकने तिघांना चिरडले

देवरी◼️ रस्त्याच्या कडेला दुरुस्तीसाठी उभा केलेल्या ट्रकला भरधाव येणाऱ्या ट्रकने धडक दिल्याने उभ्या असलेल्या ट्रकचे दोन चालक आणि वाहक अशा तिघांचा घटनास्थळीची मृत्यू झाल्याची घटना आज मंगळवार ३१ ऑक्टोबर रोजी पहाटे ३ वाजेच्या सुमारास मुंबई-कोलकत्ता राष्ट्रीय महामार्ग क्रमांक ६ वर देवरी पोलिस ठाणे अंतर्गत येणाऱ्या धोबीसराड गावाजवळ घडली. चालक रोशन भीमराव सोनुने (३५), वाहक प्रमोद नामदेवराव इंगळे (४०) दोघे रा. टाकळी जहागीर ता. जि. अमरावती, चालक अनवरखान अशरफ खान पठाण (२६) रा. दूसरबीड ता. सिंदखेड राजा जि. बुलडाणा अशी अपघातातील मृतकांची नावे आहेत.

राष्ट्रीय महामार्गावर वाहन क्रमाकं – एम.एच. ३४- बी.जी.५०७४ या वाहनात बिघाड आल्याने वाहन दुरुस्ती करीता महामार्गाच्या एका कडेला उभे करण्यात आले होते. या वाहनाच्या वाहनचालक व वाहकाकडून दुरुस्तीचे काम सुरू असतांना रायपुरकडे जाणारा ट्रक क्रमांक – एम.एच.१६- सी डी ८७७७ या वाहनाने जबर धडक दिली. यामध्ये तिघांचा जागीच मृत्यू झाला. सदर घटनेचा देवरी पोलिसांनी गुन्हा नोंद करत तपास सुरु केलेला आहे. सदर घटनेचा तपास देवरी चे पोलीस निरीक्षक प्रवीण डांगे यांच्या मार्गदर्शनाखाली पोलीस उपनिरीक्षक गंगाकुचरे व पोलीस हवालदार नरेश गायधने करीत आहेत.