शिवसेनेच्या महिलांनी बांधल्या पोलिसांना राख्या

देवरी 26- शिवसेना महिला आघाडीच्या जिल्हा संघटक सौ.करुणा कुर्वे यांचे नेतृत्वात शिवसेना महिला आघाडीने पोलिस स्टेशन देवरी येथे जाऊन रक्षाबंधन कार्यक्रम साजरा केला.
पोलिस स्टेशन देवरी येथील पोलिस निरीक्षक रेवचंद सिंगनजूडे यांचेसह अनेक पोलिस बांधवांना राखी बांधून रक्षाबंधन कार्यक्रम शिवसेना महिला आघाडीच्या वतीने साजरा करण्यात आला. महिलांच्या सन्मानासाठी व रक्षणासाठी महाराष्ट्र पोलीस सदैव तयार आहे असे मत व्यक्त करुन पोलिस निरीक्षक रेवचंद सिंगनजूडे यांनी रक्षाबंधनाच्या शुभेच्छा दिल्या आणि शिवसेना महिला आघाडीचे आभार मानले. याप्रसंगी शिवसेना महिला आघाडीच्या जिल्हा संघटक करुणा कुर्वे, तालुका संघटिका प्रिती उईके, तालुका उपसंघटिका हेमलता पांडे, जिल्हा परिषद उपसंघटिका सलमा पठाण, शहर संघटिका निलेशा रामटेके, शहर उपसंघटिका सारिका आयतुलवार, कविता शहारे आणि अनेक पोलिस बांधव उपस्थित होते.