राज्यस्तरीय शिक्षकरत्न पुरस्कार-२०२० या पुरस्कारासाठी डॉ. सुजित टेटे यांची निवड
(भुपेंद्र मस्के विशेष प्रतिनिधी)
गोंदिया २४ :देवरी तालुक्यातील ब्लॉसम पब्लिक स्कूल देवरीचे प्राचार्य डॉ. सुजित हंसराज टेटे यांची निवड दिव्या फाऊंडेशनच्या “राज्यस्तरीय शिक्षकरत्न पुरस्कार-२०२०” या पुरस्कारासाठी सन्मानित निवड करण्यात आली.
डॉ. सुजित टेटे हे विविध शैक्षणिक प्रयोग व उपक्रमाद्वारे आपल्या विद्यार्थ्यांच्या प्रगतीसाठी व त्यांच्या भावी आयुष्यासाठी प्रचंड मेहनत घेत आहेत. तसेच काळानुरूप तंत्रज्ञानाचा वापर करून शिक्षण क्षेत्रात आमुलाग्र बदल करत आहेत. शिक्षण क्षेत्रात करत असलेले अविरत परिश्रम, महत्वपूर्ण बदल व देत असलेले योगदान यामुळे दिव्या फाउंडेशन महाराष्ट्र राज्य बुलढाणा या संस्थेसाठी डॉ.सुजित टेटे हे आदर्श ठरले आहेत. म्हणून त्यांच्याबद्दल कृतज्ञात व प्रेम व्यक्त करण्यासाठी दिव्या फाऊंडेशनतर्फे सन्मानपत्र व सन्मान चिन्ह देऊन डॉ.सुजित टेटे यांना “राज्यस्तरीय शिक्षकरत्न पुरस्कार- २०२०” साठी २२ नोव्हेंबरला सामाजिक न्याय भवन पुणे येथे सन्मानित करण्यात येणार आहे.
डॉ.सुजित टेटे हे उच्चशिक्षित असुन त्यानी इंग्रजी विषयात स्नातकेत्तर पदवी व शिक्षणशास्त्राची पदवी घेतली असुन पीएच.डी. व डी लिट ने सन्मानित आहेत.त्याचे विविध राष्ट्रीय व आंतरराष्ट्रीय मासिक व वृत्तपत्रात त्याचे प्रंबध प्रकाशित आहेत. अनेक लेख व कविता वृत्तपत्रात प्रकाशित झालेल्या असुन अनेक सेवाभावी संस्थेचे ते मानद सदस्य आहेत. काव्य लहरी, मॉरल स्टोरी, माझे माझ्याशीच स्पर्धा ह्या पुस्तकांचे ते लेखक आहेत. डिटेरमिसन , नोटबूक व परिवर्तन हे लघुचित्रपटाचे ते निर्माते आहेत. तसेच ते शोध पत्रकारिता असुन प्रहार टाईम्स हा त्यांचा स्वतंत्र ब्लाग आहे.
डॉ. सुजित टेटे यांच्या या सन्मानाबाबद त्यांचे सर्वत्र अभिनंदन करण्यात येत आहे.