भीषण अपघात बस उलटून १२ प्रवाश्यांचा मृत्यू
PraharTimes : सडक अर्जुनी तालुक्यातील खजरी-डव्वा या गावशिवारातील नाल्याजवळ भंडाराकडून गोंदियाकडे येणारी शिवशाही बस दुपारी १ वाजता सुमारास उलटली.
जवळपास १० ते १२ प्रवाशांचा मृत्यू
या घटनेत जवळपास १० ते १२ प्रवाशांचा मृत्यू झाल्याची प्राथमिक माहिती आहे. तर १२ ते १५ प्रवासी जखमी असल्याचे बोलले जात आहे. या घटनेची माहिती मिळताच यंत्रणेत एकच खळबळ उडाली असून पथकाने घटनास्थळ गाठून बचाव कार्याला सुरूवात केली आहे. या अपघाताची भीषणता पाहून मृतांचा आकडा वाढण्याची शक्यता वर्तविली जात आहे. ही घटना आज 29 नोव्हेंबर रोजी दुपारी एक वाजता च्या सुमारास सडक अर्जुनी तालुक्यातील खजरी ते डव्वा गावात जवळ राज्य महामार्गावर नाल्याजवळ घडली. घटनास्थळी नागरिक पोलीस पोहचले असून बचाव कार्य सुरु आहे.
