गोंदिया जिप अध्यक्षांनी घेतला विद्यार्थ्यांचा वर्ग

गोंदिया ◾️जिल्हा परिषदेचे अध्यक्ष पंकज रहांगडाले यांनी गोरेगाव तालुक्यातील दवडीपार येथील जिल्हा परिषद शाळेला आज 14 जुलै रोजी अकस्मीक भेट दिली. यावेळी त्यांनी वर्गात जाऊन विद्यार्थ्यांशी संवाद साधला. शाळेची पाहणी केली. दरम्यान त्यांना काही उणिवा जाणवल्या त्यांचे निरसन करण्याची सूचना त्यांनी शाळा व्यवस्थापन समितीला केली.

पावसाळा सुरू असून विद्यार्थ्यांना दिला जाणारा पोषण आहार आणि पिण्याच्या पाण्याच्या शुद्धतेकडे विशेष लक्ष देण्यास सांगीतले. शैक्षणिक गुणवत्ता वाढवण्यासाठी तंत्रज्ञानाची मदत घेण्याचे आवाहन केले. यावेळी डॉ. साहेबलाल कटरे, किशोर पारधी, रविंद्र पटले, सरपंच कटरे, उपसरपंच, शिक्षकांसह गावातील गणमान्य नागरिक उपस्थित होते.