सरकारी बँकामधे शुकशुकाट; लाखो कर्मचाऱ्यांचा संपात सहभाग, चेक क्लिअरिंग ठप्प, ग्राहकांची गैरसोय

गोंदिया जिल्हात बैंक आहेत बंद

प्रहार टाईम्स

मुंबई : सरकारच्या खासगीकरणाला कडाडून विरोध करण्यासाठी सार्वजनिक क्षेत्रातील नऊ कामगार संघटनांनी पुकारलेल्या देशव्यापी संपाचा आज पहिल्याच दिवशी परिणाम दिसून आला आहे. आर्थिक राजधानी असलेल्या मुंबईतील सरकारी बँकांची मुख्यालये आणि शाखा कर्मचारी आणि अधिकाऱ्याविना ओस पडली आहे. दरम्यान, करोनामुळे आंदोलन आणि निदर्शने करण्यास बंदी असल्याने कर्मचाऱ्यांकडून शाखांसमोर गटा गटात घोषणाबाजी करण्यात येत आहे. कामगार संघटनाच्या एकजुटीने संपाचा परिणाम बँकिंग सेवेवर झाला आहे.

केंद्र सरकारने आयडीबीआय आणि दोन सरकारी बँकांच्या खाजगीकरणाची अर्थसंकल्पात घोषणा केली होती. त्यावरून कामगार संघटना आक्रमक झाल्या आहेत. बँक खाजगीकरणाच्या विरोधात आज सोमवारपासून १२ सार्वजनिक क्षेत्रातील, १२ जुन्या जमान्यातील खाजगी, सहा विदेशी, ५६ प्रादेशिक ग्रामीण बँकेतील दहा लाखांवर बँक कर्मचारी आणी अधिकारी दोन दिवसाच्या संपावर जात आहेत. या बँका १५० लाख कोटी रुपयांचा म्हणजे एकूण बँकिंग व्यवसायाच्या ७० टक्के व्यवसाय हाताळतात. त्यामुळे बँकिंग क्षेत्राला मोठा फटका बसण्याची शक्यता आहे. दरम्यान, ग्राहकांना या संपामुळे गैरसोयीला सामोरे जावे लागत आहे.
संप

एकरकमी गुंतवणूक किंवा एसआयपी; पहिल्यांदाच गुंतवणूक करणाऱ्यांसाठी हा आहे उत्तम पर्याय
आज भारतीय स्टेट बँक, बँक ऑफ महाराष्ट्र, बँक ऑफ इंडिया, आयडीबीआय यांच्यासह मुंबईतील प्रमुख सरकारी बँकांच्या शाखांचे कामकाज ठप्प झाले आहे. सरकारी बँका या अंदाजे तीस लाख कोटींचा व्यवसाय हाताळतात. संपाची सुरवात आज सकाळी सहा पासून सेवा शाखेच्या कामकाजापासून झाली. याठिकाणी धनादेश वटवले जातात. (चेक क्लिअरिंग) त्यामुळे आज आणि उद्या हजारो कोटींचे धनादेश वटवले जाणारा नाहीत. परिणामी ‘चेक’चे व्यवहार रखडण्याची शक्यता आहे. उद्या मंगळवारी रात्रीं बारापर्यंत सेवा शाखेचे कामकाज बंद ठेवण्याचा कामगार संघटनांचे नियोजन आहे.

सरकारी बैंक कर्मचाऱ्यांचा संप; बैंक व्यवहारांसाठी ‘हे’ आहेत पर्याय
या संपात बँकेत काम करणारे सफाई कर्मचारी ते शाखा व्यवस्थापक सर्व श्रेणीतील अधिकारी सहभागी होत असल्यामुळे संप शंभर टक्के यशस्वी होण्याची शक्यता आहे. केंद्र सरकारचे लक्ष वेधण्यासाठी कामगार संघटनांनी सलग दोन दिवसीय संपाची हाक दिली आहे. आजपासून सुरु झालेल्या संपात ऑल इंडिया बँक एम्प्लॉइज असोसिएशन, नॅशनल कॉन्फेडरेशन ऑफ बँक एम्प्लॉइज, ऑल इंडिया बँक ऑफिसर्स कॉनफेडरेशन, ऑल इंडिया बँक ऑफिसर्स असोसिएशन, इंडियन नॅशनल बँक ऑफिसर्स काँग्रेस, इंडियन नॅशनल बँक एम्पलॉइज फेदरेशन, नॅशनल ऑर्गनायझेशन ऑफ बँक वर्कर्स, नॅशनल ऑर्गनायझेशन ऑफ बँक ऑफिसर्स आणि बँक एम्प्लॉइज फेडरेशन ऑफ इंडिया या संघटना सहभागी होत आहेत.