डॉ. डिंपल तिराले जिल्हातील पहिली महिला बाल दंत चिकित्सक म्हणून सन्मानित

Deori: नक्षलग्रस्त आणि आदिवासी जिल्हा म्हणून ओळख असलेल्या गोंदिया जिल्हातील शेवटच्या टोकावर वसलेल्या देवरी तालुक्यातील डॉ. डिंपल किसन तिराले जिल्ह्यातील एक महत्वाचा टप्पा गाठला आहे. जिल्ह्यातील पहिली महिला बाल दंत चिकित्सक म्हणून त्या सन्मानित झाल्या असून त्यांच्या परिश्रमाने त्या युवा पिढीसाठी प्रेरणादायी ठरल्या आहेत.

डॉ. डिंपल तिराले यांनी आपल्या शालेय जीवनापासूनच दंत चिकित्सा क्षेत्रामध्ये करियर करण्याची स्वप्न पाहिली होती. त्यांचं शिक्षण आणि प्रशिक्षण पूर्ण करून, त्यांनी आपल्या जन्मगाव देवरी येथे दंत चिकित्सा सेवा सुरू केली आहे. काही वर्षांपासून त्या बालकांच्या दंत आरोग्याचे महत्व आणि योग्य उपचार देण्यासाठी कार्यतत्पर आहेत.जिल्ह्यातील आदिवासी आणि ग्रामीण भागातील मुलांमध्ये दंत आरोग्याबद्दल जागरूकता निर्माण करणाऱ्या डॉ. डिंपल तिराले यांनी अनेक आरोग्य शिबिरांचीही आयोजन केली. त्यांच्या कार्यामुळे जिल्ह्यातील मुलं योग्य दंत आरोग्य आणि उपचार मिळवू शकतात हे सत्य ठरले आहे.

नुकतेच छत्तीसगड राज्यातील भिलाई येथे झालेल्या कार्यक्रमात त्यांचा सत्कार झाला असून कार्यक्रमात अनिल धुवारे, संजीव धुवारे, डॉ. अनिल चौरगडे, रेखा प्रिंपाले, नीता धपाटे, आणि लोकचंद सोनवणे आदी अतिथी उपस्थित होते. डॉ. तिराले यांच्या कार्याची प्रशंसा करताना, “डॉ. डिंपल तिराले यांनी बाल दंत चिकित्सा क्षेत्रात दिलेलं योगदान अत्यंत उल्लेखनीय आहे. त्यांचे कार्य अन्य महिलांसाठी एक आदर्श आहे.” यावेळी व्यक्त केले.

डॉ. तिराले यांच्या या यशाच्या प्रवासाने समाजातील इतर युवा वर्गाला प्रेरणा मिळणार आहे आणि त्यांच्यातही शिक्षण आणि करियर घडवण्याची इच्छा जागृत झाली आहे. त्यांची इच्छाशक्ती आणि जिद्द हे प्रेरणादायी असून ग्रामीण भागात आरोग्य सेवेत सुधारणा घडवून आणली आहे. सदर सत्कार सोहळ्यामध्ये समाजातील जेष्ठ नागरिक , कुटुंबीय आणि मित्रपरिवार यांनी डॉ. डिंपल तिराले यांच्या अभिनंदन केले आहे.