“लक्षात ठेवा आमचे सरकार पडणारही नाही आणि मी झुकणारही नाही, जय महाराष्ट्र!” -संजय राऊत

भाजपा नेते किरीट सोमय्या यांनी शिवसेना खासदार संजय राऊत यांच्यासह त्यांच्या मित्र परिवारावर गंभीर १०० कोटींचा जम्बो कोविड सेंटर घोटाळा केला असल्याचा आरोप केलेला आहे. शिवाय, संजय राऊतांची लवकरच तुरुंगात रवानगी होणार असल्याचं देखील सोमय्या यांनी म्हटलेलं आहे. दरम्यान, किरीट सोमय्या आणि भाजपाकडून होत असलेल्या आरोपांच्या पार्श्वभूमीवर आज शिवसेना नेते संजय राऊत यांनी एक सूचक ट्वीट केलं आहे.

“गेल्या काही दिवसांपासून, माझ्यावर आणि माझ्या कुटुंबावर निंदनीय आरोप होत आहेत. अपप्रचार करणाऱ्यांमुळे केंद्रीय यंत्रणांचा केवळ गैरवापर केला जात नसून त्यांची बदनामीही होत आहे. या अट्टल खोटारड्यांना लवकरच कायदेशीर कारवाईला सामोरे जावे लागेल.” असा संजय राऊत यांनी विरोधकांना सूचक इशारा दिला आहे.